کراچی ٹی بلوچ یکجہتی کمیٹی نا سروک سمی دین بلوچ ئے پولیس ایم پی او رد ئٹ عدالت نا مونغی آن دوارہ دزگیر کرے۔
سمی دین بلوچ ئے ایم پی او آرڈر نا رد ئٹ 30 دے ئکن جیل آ رادہ کننگا۔
سندھ حکومت تینا حکم نامہ ٹی لکھانے کہ سمی بلوچ تون اوار پین پنچ بندغ دزگیر کننگانے انتئے کہ او الس ئے مشتعل کننگ اسر و اوفتا سوب آن نقصِ امن نا خطرہ اس۔
خیال ئٹ مرے کہ درو دو شمبے نا دے بلوچ یکجہتی کمیٹی و سول سوسائٹی کراچی نا باسک آک، ڈاکٹر ماہ رنگ بلوچ، بیبرگ بلوچ و ایلو باسک آتا دزگیری نا برخلاف پریس کلب نا پیشن آ برانز نا کال تسوسر ہراڑے سمی بلوچ و ایلو برانزی تِہ دزگیر کننگا۔
اینو پولیس سمی دین تون اوار پنچ بندغ ئے سینٹرل جیل ئٹی جوڈیشل میجسٹریٹ نا عدالت ئٹ پیش کرے۔
عدالت وکیل آتا دلیل آتِہ بِننگ آن پد سمی دین و وہاب بلوچ تون اوار پنچ بندغ ئے یلہ کننگ نا حکم تس۔
واہم آجوئی آن پد پولیس سمی دین ئے دوارہ دزگیر کرے و پارے کہ اودے ایم پی او نا رد ئٹ دزگیر کننگانے۔
اندن درو دزگیر کننگوک لالاوہاب، سلطان، رازق و شہداد نا دائسکان ہچو ڈس اف۔
