بلوچ یکجہتی کمیٹی نا سروک بیبگر بلوچ ئے ائنو ہم عدالت ئٹ ہتنگ متو۔
بی وائی سی نا سروک سمی دین بلوچ نا پاننگ ءِ کہ بلوچ یکجہتی کمیٹی نا بنجائی باسک، بیبرگ بلوچ ہرا دا وختا ریمانڈ آ پولیس نا دزگیر ئٹی ءِ، اودے ہفتہ نا دے عدالت ئٹ ہتنگ مروئی اس ولے اودے ہتنگ متو۔
او پارے کہ اینو دوارہ دو شمبے نا دے اودے عدالت ئٹ ہتنگ نا تاریخ تننگاسس ولے اینو ہم اودے عدالت ئٹ ہتنگ متو۔
سمی دین پارے کہ ننے حوال رسینگانے کہ بیبرگ بلوچ ئے مہالو بجلی گھر تھانہ ٹی بندی کننگاسس ولے درو اودے نادرستو جاگہ ئس رادہ کننگانے۔
او خُلیس نا درشانی کرسا پارے کہ ننے بیبرگ بلوچ نا زند و سلامتی نا حوالہ ئٹ بھاز خُلیس ءِ۔
خیال ئٹ مرے کہ 20 مارچ ئنا سہب خُڑکیکا 5:30 نا وختا، پاکستانی لشکر کوئٹہ ٹی بیبرگ نا اُراغا چھاپہ خلک، اودے و اونا ایلم ئے زوراکی ئٹ دزگیر کرے۔
