"تدکا کیہی ساہت آن ریاستی سیکیورٹی لشکر چرجوئی ئٹ مون پہ مون سمکاری کننگ ءِ۔ تیبہ علاقہ آنسو گیس نا موڷ ئٹ غرک ءِ، و انٹرنیٹ تون اوار فون ئنا سگنل آک ہم بند ءُ، داسا ریاستی پولیس و ڈھکوک ایجنسی تا کارندہ غاک چغلی بمب خسنگ ءُ۔ ” بلوچ یکجہتی کمیٹی نا بیان ئٹ پاننگا
بی وائی سی تینا بیان ئٹ ودیک پارے کہ ” کیہی بندغ آک ٹپی مسنو، ولے اوفتِہ اسپتال آ دننگ نا موکل اف و ایمبولینس آتِہ ہم توننگ مننگ ئٹی ءِ۔ کسرک تیبہ بند کننگانو و پٹ ئہ پول برجاء ءِ۔ سادہ پُچ بینوک سیکیورٹی کارندہ غاک شار ئنا مڈی و ماڑی تِہ ہُشنگ ءُ۔
بیان ئٹ پاننگا کہ نن پُرامن اُن۔ نن غُٹ آن خواست کینہ کہ او ریاستی ظلم و زوراکی نا برخلاف توار بڑز کیر۔
