بلوچستان نا علاقہ منگچر ئٹ نادرست آ سلاہ بند بندغ آتا سُمکاری آن پاکستان نا صوبہ پنجاب نا جہی چھار بندغ کھسکنو۔
لیویز ذرائع نا رِد ئٹ اینو ویگہ نا کلی دینگانزئی منگچر ئٹی بورنگ آ کاریم کروک چھار مزور آ سُمکاری کننگا ہراڑان او مرگ ئنا گواچی مسر۔
کہوکا بندغ آتا چاہنداری مختیار احمد نا مار منور حسین، خالد محمود نا مار ذیشان، عابد حسین نا مار دلدورچین و منیر احمد جٹ ئنا مار محمد امین، صادق آباد پنجاب نا جہی نا پن آ مسنے۔
جون تِہ المی کاروائی آن پد اوفتا باوہ پیرئی علاقہ غا درینو۔
ایلو کنڈ آن بلوچ لبریشن آرمی نا ترجمان آزاد بلوچ دا بندغ آتا خون ئنا ذمہ واری ئے ارفسہ پارے کہ خلنگ مروک بندغ آک پاکستانی لشکر و ڈھکوک ادارہ غاتا کارندہ مسنو۔ بی ایل اے نا سرمچارک ہُرے آن دا بندغ آتِہ ہُننگ مسنو و وخت وختا پین پین وڑ ئٹ مخبری کرینو۔ جاگہ ئس مزور جاگہ ئس پنڈوک و جاگہ ئس پین وڑ ئٹ پھیری خلِسہ علاقہ و دامون ایمون ئٹ معلومداری مُچ کرینو۔
