بلوچستان نا شار حب و تربت ئٹی مُسہ تراک آتا سوب آن اِرا بندغ بیران مسنو۔
صنعتی شار حب ئٹی شاکر ہوٹل نا خُڑک گیس ویلڈنگ نا وخت آ تراک مسنے ہرانا سوب آن اِرا بندغ بیران مسنو۔
ایدھی نا رد ئٹ ویلڈنگ نا وخت لاری نا ڈیزل نا ٹانکی تراک آن پنا ہرانا سوب آن اِرا بندغ بیران مسر۔
کہوک آتا جون تِہ اسپتال آ دننگ آن پد اوفتا چائنداری عبداللہ و وحید نا پن تیٹ مسنے و اِرٹنگا پاکستان نا صوبہ پنجاب نا ہند رحیم یار خان نا ءُ۔
ایلو کنڈ آن ضلع کیچ ئنا بنجائی شار تربت ئٹی تعلیمی چوک ئنا خُڑک بھلو تراک ئسے نا توار بننگانے واہم دائسکان تراک ئنا کچ و نسخان تا بابت ئٹ حوال اف۔
اندن تربت نا ہند گیبن ایریا ٹی ہم تراک ئسے نا توار بننگانے و سُمکاری برجاء ءِ۔
تربت آن 20 بیست کلو میٹر دی کہی پارہ غا گیبن کلاتک ئٹی تراک ئنا توار بننگانے واہم دائسکان تراک ئنا کچ چائنگ متنے۔
