بلوچ آجوئی دوست سروک اختر ندیم بلوچ چاگڑدی حوالکاری میڈیا ایکس آ پوسٹ ئس کرِسہ پارے کہ، پاننگک دے ٹکی تیمور ئٹی آبادی دہ لکھ نا کچ اسک ہراٹی اِرا لکھ بندغ خلنگ ءُ زوراکی ئٹ بیگواہ کننگا ولے راج کُھٹتو و تینا آجوئی ئے ہلک۔
او پارے کہ پاکستان کون آ دہشتگرد ریاست دا غلط فہمی ٹی مف کہ تینا تاغت و زور ئٹ او بلوچ راج ئنا تحریک آجوئی ئے تورو۔
اونا پاننگ اس کہ پاکستان و اونا بوٹ پالشی آ کرایہ نا خونیک بلوچ راج ئے توننگ کپسہ۔
بلوچ راج آ مروکا بیدادی تیا بیرہ پن ئنا بندغی حق آتا ادارہ و انٹرنیشنل اسٹیبلشمنٹ نا بےتواری دیہاڑ نا پنّو آتیا پاش ءِ۔
او پارے کہ اینو بلوچ لمہ و ایڑک تینا چُنک سنک آ بندغ آتیا بیدادی و شہیدی تِہ استان دروفس۔
ایسر ئٹی او پارے کہ بلوچ راج ہم "رول آف دی گیم” ئے بدل کرینے۔ پاکستانی ریاست بلوچ نا دک آتِہ استان دپ، دتر نا بیر ہلنگ بلوچ راج ئنا میراث ءِ۔
