بلوچ یکجہتی کمیٹی نا کنڈ آن شنگ کننگوک اسہ بیان ئسیٹ پاننگانے کہ اینو ریاست پاکستان بلوچستان ئٹ دہشت گردی و بیدادی نا غٹ سیم آتیان گدرینگانے۔ کوئٹہ ئٹ پرامن برانزی تیا مون پہ مون سم کاری نا سوب آن دا وختا ننا مُسہ سنگت شہید مسنو، اندن کیہیک ٹپی ءُ ہرافتیٹ ہفت ئنا حالیت بھاز نازرک ءِ۔
بلوچ یکجہتی کمیٹی نا کنڈ آن پڑو کننگا کہ ریاست پاکستان نا دا تادی و دہشت گردی نا برخلاف تیبہ بلوچستان ئے بند کننگ نا پڑو کینہ۔ پگہ تیبہ بلوچستان ئٹ شٹرڈاؤن و پہیہ جام ہڑتال مرو۔
بیان ئٹ پاننگا کہ دا وختا شہید آتا جون تیتون اوار سریاب کسر آ تولوک برانز برجاء ءِ، نن کوئٹہ نا مخلوق آن خواست کینہ کہ اوفک اخس زوت مننگ کیک تولوک برانز نا جہہ آ سر مریر۔
