زوراکی ئٹ بیگواہ کننگوک بندغ آتا خاہوت آک برانز کرسا بنجائی کسرئے بند کریر۔
مستونگ آن پاکستانی لشکر نا دو آن چھاپہ آتا وخت، دزگیری آن پد بیگواہ کننگوک بندغ آتا خاہوت آک تینا بندغ آتا آجوئی کن، مستونگ نا خُڑک کوئٹہ کراچی بنجائی کسر آ برانز کننگ ءُ۔
خاہوت آک برانز کرسا کوئٹہ آن کراچی آ ہنوکا کسرئے بند کریر ہرانا سوب آن اُلاخ آتا ہن ئہ بر بند مسنے۔
درے نن پاکستانی لشکر نا دو آن بیگواہ کننگوک چیئرمین بنگلزئی، شیراز بنگلزئی و سلمان بنگلزئی نا زوراکی نا بیگواہی نا برخلاف خاہوت آک نواب ہوٹل نا جہہ آ برانز کننگ ءُ۔
برانزیک خواست کریر کہ حکومت اوفتا بندغ آتا آجوئی نا باور ایتِہ۔
