نوشکی آن پاکستانی لشکر اسہ ورناس زوراکی ئٹ بیگواہ کرینے، اندن بیگواہ کننگوک مُسہ چُنک سن مار آجو مسنو۔
نوشکی نا علاقہ کلی جمالدینی آن پاکستانی لشکر 19 مارچ آ سہور نا وخت آ اُرا ئسے آ چھاپہ خلِسہ حمید اللہ جمالدینی نا مار الطاف جمالدینی ئے دزگیر کننگ آن گڈ بیگواہ کرینے۔
حوال تا رد ئٹ پاکستانی لشکر نا کارندہ غاک چھاپہ نا وختا اُرا نا گڑا تِہ پرغانو و چُنا نیاڑی تیا بیدادی کرینو۔
اندن تدوکا دے تیٹ نوشکی اسٹیشن آن زوراکی ئٹ بیگواہ کننگوک 14 سالی عدنان ولد حیات، 15 سالی ضیاء الرحمن ولد میر احمد، 14 سالی لیاقت ولد عبدالخالق آجو مسنو۔
