پاکستانی لشکر نا کارندہ غاک بولان میڈیکل کالج نا وائس پرنسپل ئے استو ننکان زوراکی ئٹ بیگواہ کریر۔
بلوچستان نا بنجائی شار کوئٹہ آن استو ننکان پاکستانی لشکر بی ایم سی تون اوار ایلو جاگہ غا تا ہاسٹل آتیا چھاپہ خلک، دا وخت ہاسٹل ئٹی خوانندہ غاتِہ بیم ئنا گواچی کننگا۔
حوال تروک آتا رد ئٹ استو ڈاکٹر کالونی آن بولان میڈیکل کالج (بی ایم سی) نا وائس پرنسپل و پنی آ سائکٹرسٹ ڈاکٹر الیاس بلوچ ئے ہم لشکری کارندہ غاک دزگیر کننگ آن پد نادُرستو جاگہ ئس دریر۔
ڈاکٹر الیاس نا بارو ئٹ دائسکان ہچو حوال اف۔
یات مرے کہ استو بلوچ یکجہتی کمیٹی بنجائی سروک بیبرگ بلوچ و اونا ایلم حمل بلوچ ئے ہم اوفتا اُراغان زوراکی ئٹ بیگواہ کننگانے۔
