بلوچستان نا بنجائی شار شال ئٹ استو پاکستانی لشکر کیہی اُرا تیا چھاپہ خلک، دا وختا قبائلی شخصیت ناصر قمبرانی ئے دزگیر کننگ آن گڈ بیگواہ کننگانے۔
حوال تا رد ئٹ استو دو بجہ نا وختا کلی قمبرانی ٹی پاکستانی لشکر سی ٹی ڈی و ڈھکوک ایجنسیک نیشنل پارٹی نا سروک غفار قمبرانی و ایکٹوسٹ بیبو بلوچ نا اُرا غا ہم چھاپہ خلکر و اُراٹی ساڑی بندغ آتیا بیدادی کریر۔
پدان قبائلی شخصت و 59 سالی ناصر قمبرانی نا اُراغا چھاپہ خلکر و اودے دزگیر کرسا بے ڈسو جہہ ئسے آ دریر ہراکان گڈ اونا ہچ حوال اف۔
خاہوت نا رد ئٹ پاکستانی لشکر نن نیمہ غا ننا اُراغا چھاپہ خلِسہ اُرا نا بندغ آتہ بیدادی نا گواچی کرے، موبائل آتہ پُھلا و ناصر قمبرانی ئے دزگیر کرسا درے ہراکان گڈ اونا ہچ حوال اف۔
یات مرے کہ ناصر قمبرانی ئے داکان مُست 20 اگست 2015 آ ہم پاکستانی لشکر زوراکی ئٹ بیگواہ کریسس ہراکان گڈ جون 2018 آ یلہ کننگاسس۔
