پنجگور آن اِرا بندغ و اسٹ کوئٹہ آن پاکستانی لشکر نا دو آن زوراکی ئٹ بیگواہ کننگانے۔
پنجگور آن حوال ءِ کہ پروم نا علاقہ آن پاکستانی لشکر فیصل پنیئو ورناس دزگیر کننگ آن گڈ بیگواہ کرینے ہراکان گڈ اونا ہچ ڈس اف۔
اندن پنجگور وشبود آن 14 مارچ آ پاکستانی لشکر احسان بلوچ ولد حاجی زادین ئے اونا اُراغان دزگیر کننگ آن پد بیگواہ کرینے۔
ایلو کنڈ آن اینو کوئٹہ ٹی اسہ فلیٹ ئسے آ چھاپہ خلِسہ سکیورٹی لشکر اسہ ورناس دزگیر کننگ آن گڈ بیگواہ کرینے ہرا بلوچستان یونیورسٹی ٹی سوشیولوجی نا خوانندہ اظہار بلوچ نا پن ئٹ درست مسنے۔
خیال ئٹ مرے بلوچستان ئٹ زوراکی نا بیگواہی تا لڑ برجای ءِ، اینو نوشکی ٹی جند ندر جلہو آن گڈ نُہہ بندغ پاکستانی لشکر دزگیر کرسا بیگواہ کرینے۔
