بلوچستان لبریشن فرنٹ نا ترجمان میجر گہرام بلوچ تینا بیان ئٹی پارینے کہ سرمچارک گوادر شار ئٹی کوسٹ گارڈ کیمپ ئنا بھلا دروازہ نا مون ئنا چوکی آ چغلی بمب ئٹ جلو کرسہ اِرا کارندہ ئے ٹھپی کریر، دا جلو ہمو وخت آ کننگا ہراتم کوسٹ گارڈ نا کارندہ غاک چوکی نا مون آ سلوک اسّر۔ جلہو آن پد سرمچارک گوریلا جنگی حکمت عملی ئٹ سلامت پیشتمنگ ئٹی سرسوب مسر۔
او پارے کہ ہندن بی ایل ایف نا سرمچار تا اسہ پین دُھر ئس نن ئنا ہشت و نیم آ گوادر ایئرپورٹ روڈ آ فوجی چوکی ئے خڑک آن بھلا خودکار سِلاہ تیٹ ٹِک کرے ہراڑے فوج ئنا اسہ کارندہ ئس کھسک و اسٹ ئس ٹھپی مس۔
اونا پاننگ اس کہ بی ایل ایف نا سرمچارک پانزدہ مارچ آ، نن ئنا شش و نیم آ کلی ژلی مستونگ ئٹی پولیس چوکی آ جلو کرسہ مُسہ پولیس کارندہ آن اِرا توفنک دوئی کریر۔
میجر گہرام ودیک پارے کہ ہندن اسہ پین جلو ئسیٹ پانزدہ مارچ آ، ویگہ نا سئے بجہ غا کوٹان زامران ئٹی کوزہ گیر پاکستانی فوج ئنا چوکی آ سرمچارک اِرا کنڈ آن بھلا سِلاہ تیٹ جلو کریر، ہراڑے دشمن ئے گیشتر جانی و مالی نسخان رسینگا۔
ترجمان نا پاننگ اس کہ داکان مہالو چھانڑدہ مارچ ئنا شام، کوزہ گیر پاکستانی فوج کولواہ نا علاقہ سگک، شاپکول ٹی لشکرکشی کرِسہ اسہ اُرا ئسے آ چھاپہ خلک۔ خڑک آ ساڑی بی ایل ایف نا سرمچارک دشمن نا اِرا ڈرون کیمرہ ئے ٹِک کریر و اوفتان اسٹ ئسے بٹیر بھس کریر۔
ترجمان ایسر ئٹ پارے کہ بلوچستان لبریشن فرنٹ دا جلہو تا زمہ واری ئے ہرفک و بلوچ ورنا تہ بَٹنگک کہ دشمن نا بلوچ دشمن آ چم آتیان برخلاف، اوار مرسہ آجوئی نا جہد ئکن گھام ہفبو۔
