بلوچستان نا ضلع پنجگور ئٹ درے نن نادرست آ سلاہ بند بندغ آک اسہ بندغ ئسے بیگواہ کننگ نا کوشست کریر، مزاحمت کننگ آ اونا زائیفہ ئے سمکاری کرسا کھسفیر و اَرغ ئے تینتو دریر ہرا نا اینو سہب ئنا جون خننگانے۔
تدینی پنجگور نا کھیب ئنا علاقہ مزڈالو ٹی مسنے۔
لیویز نا رد ئٹ درے نن زوراکی ئٹ بیگواہ کننگوک بندغ نا اینو سہب ئنا پنجگور نا علاقہ کلگ آن جون خننگانے۔
اسپتال آن رسینگوکا حوال تا رد ئٹ اودے سخت بیدادی کرسا کھسفنگانے۔ اونا جون آ خنجر و سُم تا نشانک اریر۔
خاہوت تدینی نا برخلاف، جون تتون اوار ڈپٹی کمشنر نا دفتر نا مونا برانز کننگ ءِ۔ اوفتا پاننگ ءِ کہ ڈوہدار تا دزگیری اسکان برانز برجاء مرو۔
ایلو کنڈ آن بلوچستان نا ضلع کیچ ئنا علاقہ بلیدہ گردانک آن مُسہ بندغ نا جونک خننگانو۔
پولیس نا رد ئٹ گردانک آن مُسہ جون خننگانے ہرافتہ بیدادی آن گڈ سُم خلِسہ کھسفنگانے۔
جون تہ لیویز فورس دوئی مرسا لیویز تھانہ غا درینے واہم دائسکان اوفتا چائنداری مننگ کتنے۔
