شابیتی حوال تا رد ئٹ ڈیرہ بگٹی بیھ لوٹی نا جہہ آ ننگ ئنا پن آ اِرا زالبول تون اوار چھار بندغ کھسفنگا۔
ضلعی کالخواک تدینی نا پن ئہ پول ئے کننگ ءُ۔
یات مرے کہ بلوچستان ئٹ گیشتر ننگ ئنا پن آ خون تا تدینی مونا بریک واہم دا تدینی تیٹ تُد ڈوہدارک قانود آن بچیسہ نرنگ ئٹ سرسوب مریرہ۔
کیہی اندنو تدینی ہم مون آ بسنے ہراڑے ذاتی جیڑہ آتا سوب آن زالبول تِہ کھسفِسہ ننگ ئنا پن تیرہ و پدا دہنا تدینی تیٹ قبائلی رسم و دود آتا سوب آن ڈوہدارک سزا غان بچیرہ۔
بلوچستان ئٹ زالبول تا حق ئکن و بیدادی نا برخلاف کاریم کروک این جی او و تنظیم آتا رد ئٹ تیوہ غا پاکستان ئٹ زالبول آک ہڑدے اُرائی و چاگڑدی زوراکی تا گواچی مریرہ واہم دا تدینی تیٹ زیات تدینی بلوچستان آن رپورٹ مریک۔
یات مرے کہ خَدو بلوچستان ئٹ ننگ ئنا پن آ خون ئنا 19 کیس رپورٹ مسنے۔
