بلوچستان ئٹی زوراکی نا بیگواہی تا لڑ برجاء، مستونگ نا جہی بندغ ئس زوراکی ئٹ بیگواہ۔
شابیتی حوال تا رد ئٹ خشین خیر مستونگ نا جہی غلام مصطفی نا مار سلمان اِرا دے مُست منگچر آن مستونگ آ بَننگ آ پاکستانی لشکر نا دو آن زوراکی ئٹ بیگواہ کننگانے۔
خاہوت نا رد ئٹ سلمان اسہ بزغر ئس ءِ و منگچر آ تینا سنگت آتون اوڑدئی کن ہناسس کہ واپسی آ بیگواہ کننگا۔
ایلو کنڈ آن پنجگور وشبود نا جہی عاقل جلیل آجو مرسا تینا اُرا ئے سر مسنے۔
پن کروک بندغ ئے پاکستانی لشکر تدوکا ہفتہ زوراکی ئٹ بیگواہ کریسس و اونا آجوئی کن خاہوت چھار دے اسہ وڑ برانز کننگ اس۔
