بلوچستان لبریشن فرنٹ نا ترجمان میجر گہرام بلوچ تینا بیان ئٹی پارینے کہ سرمچارک ریاستی ڈیتھ سکواڈ نا کارندہ، کولواہ نا جہی کریم بخش ساجدی نا مار عبدالرسول ئے گشکور دودر نا سند آ توننگ و ہلنگ نا کوشست کریر ولے او سلنگ نا جہا سرپُٹ کرے تو سرمچارک اودے کھسفیر ۔ اوڑتون اوار حارث ولد ریاست پِنی آ بندغ ہم ٹھپی مس۔
اونا پاننگ اس کہ بی ایل ایف جہی آ مخلوق ئے سرپند کننگ خواہک کہ حارث بلوچ حادثاتی وڑئٹ ٹھپی مسنے اونا بلوچ جہد ئنا برخلاف ہچو کاریم ئس اف۔
ترجمان پارے کہ عبدالرسول ولد کریم بخش ساجدی 19 نومبر 2024 دودر گیشکور ئٹی بی ایل ایف نا سنگت سرمچار کیپٹن نیاز قادر عرف گمان جان و لیفٹیننٹ ظریف بلوچ عرف شئے جان نا شہیدی ٹی تُد مسّس، ہرانا ایوِز ئٹی سرمچارک اودے یانزدہ مارچ آ مرگ ئنا سزا تسر۔
اونا پاننگ اس کہ آواران و کولواہ ٹی پاکستانی لشکر نا بھلنی ٹی سِلاہ بند لشکرک ہرافتہ لس وڑئٹ (ڈیتھ اسکواڈ) پارہ، جوڑسہ بلوچ زنک ایسری کن یلہ کننگانے ولے بی ایل ایف نا سرمچارک تینا سنگت آتا و بلوچ اُلس ئنا رکھ ئنا جوانیکا وس تخرہ۔ ننا قول ءِ کہ کوزہ گیر ریاست، ریاستی جہی آ لشکر نا کارندہ غاک و اوفتیک جاسوسی کروکاک ٹِک مرسہ کرور۔
گہرام بلوچ نا پاننگ اس کہ بی ایل ایف ہر خاہوت و بندغ آن خواست کیک کہ او تینا چنا تہ سرمچار آتا و راج ئنا برخلاف جاسوسی آن مُر تخر۔ اگہ اسہ خاہوت ئسے شک ءِ کہ اوفتا بندغ ئس کوزہ گیر ریاست نا کمک کار ءِ و راج ئنا برخلاف جاسوسی و سِلاہ بند کاریم تیٹ اونا دُو ارے تو او تینا خاہوت نا بندغ ئے تینٹ پہہ کے و غداری آن بچفہ اگہ او ہچّو وڑئسیٹ منپ تو تینا راجی زمہ واری ئے پورو کرسہ او بلوچ سرمچار تہ حوال ایتر۔
او ایسر ئٹ پارے کہ بی ایل ایف کولواہ ہور ئٹی ڈیتھ سکواڈ نا کارندہ عبدالرسول ئے کھسفنگ نا زمہ واری ئے ہرفک و قول کیک کہ بلوچستان نا آجوئی اسکان دا جنگ ئے برجاء تخون۔
