بلوچ یکجہتی کمیٹی نا بنجائی سروک سمی دین بلوچ، بلوچستان بار کونسل آ بس، بلوچستان بار کونسل نا وائس چیئرمین ایگزیکٹویو کمیٹی امان اللہ خان کاکڑ تون دفتر ئٹی اوڑدئی کرے و بلوچستان ئٹی بیدس ریاستی راہبند (آئین) و قانود بیگواہ کننگوک بلوچ آتا ویل ئنا رد ئٹ سرپندی تس۔
سمی دین بلوچ پارے کہ بلوچستان ئٹی بیگواہ کننگوک بندغ آتا ویل بھاز بھلن ءِ۔
او پارے کہ کنا باوہ ڈاکٹر دین محمد بلوچ نا بیگواہی ئے کیہی سال مسنے ولے دائسکان ہچو عدالت ئسیٹ اودے ہتنگ متنے و اود اَرا حالیت ئٹی ءِ، زندہ ءِ یا افک ننے پاننگ مرے۔ بلوچستان ئٹ لمّہ غاک تینا چُنا تا ودار ئٹی ہڑدے کہیرہ اگہ اوفتیان کس ئس میار ئس کرینے اوفتہ عدالت ئٹی ہتنگ مرے۔
بلوچستان بار کونسل نا وائس چیئرمین و چیئرمین ایگزیکٹوو کمیٹی یخین تس کہ بلوچستان بار کونسل ہر اسہ شاری نا بیدس ریاستی راہبند و قانود خون و زوراکی نا بیگواہی تا برخلاف توار بُڑز کرو۔
