بلوچستان نا ضلع خضدار سنی آن خڑک N25 کسر ئے اِرا مون کروکا کمپنی نا گاڑی و مشین تہ نا درست آ سلاہ بند بندغ آک خاخر تسر۔
حوالکار تا رد ئٹ، سنی آن خڑک شاری علاقہ ئٹ، شال کراچی بنجاہی دگ آ کاریم کروک پاکستانی لشکر نا ڈی بلوچ پنی آ کمپنی نا کیہی گاڑی و مشین تہ نا درست آ سلاہ بند بندغ آک جلہو کرسا ہشانو۔
خن ئٹ خنوک بندغ آتا رد ئٹ نا درست آ سلاہ بند بندغ آک اوڑے ساڑی کاریمی آ بندغ آتا پروفائلنگ ہم کریر و ہِننگ آن مُست پیٹرول شاغِسہ 10 ڈمپر و مسہ ایکسیویٹر گاڑی خاخر تسر۔
داکان مُست آجوئی خواہوک تنظیم آک دننگا جلہو تا ذمہ واری تہ ہرفینو واہم دا جلہو نا ذمہ واری ئے دائسکان ہچو تنظیم ئس ہرفتنے۔
