بی آر جی نا ترجمان دوستین بلوچ میڈیا ٹی شنگ کروکا تینا بیان ئٹی پارے کہ ننا سرمچارک مُسہ جتاو جلہو تیٹی صحبت پور ئٹی تعمیراتی کمپنی نا مشین تہ سُمکاری کرسا لاری و مشین تہ سخت نسخان تسُر، ڈیرہ بگٹی ٹی گیس پائپ لائن ئے تراک ئٹی بھس کننگا و ڈیرہ مراد جمالی ٹی شونداری نا کاریم کروک کمپنی نا ایکسیویٹر ئے تراک ئٹی بھس کننگا۔
او پارے کہ یانزدہ مارچ آ بلوچ ریپبلکن گارڈز نا سرمچارک ویگہ نا وخت صحبت پور نا ہند گور ناڑی ٹی کسر جوڑ کروکا کمپنی آ سُمکاری کرسا کاریم کروکا گاڑی و مشین تہ سخت نسخان تسُر۔
او مُستی پارے کہ ڈیرہ بگٹی نا ہند سوئی نا خُڑک دولی نا جہہ آ سوئی آن پنجاب آ ہنوکا 36 انچ قطر گیس پائپ لائن ئے تراک ئنا شورہ خلسہ بھس کننگا۔
ترجمان پارے کہ ہمو نن بلوچ ریپبلکن گارڈز نا سرمچارک ڈیرہ مراد جمالی ٹی ھاوی بخش ھوٹل آ شونداری نا کاریم کروکا کمپنی نا اسہ ایکسیویٹر مشین ئسے تراک ئٹ بھس کریر۔
اونا پاننگ اس کہ بی آر جی دا کُل جلہو تا زمہ واری ئے ہرفک و ننا دا وڑ ئنا جلہوک بلوچستان نا آجوئی اسکان برجاء مرور۔
