بلوچستان لبریشن فرنٹ نا ترجمان میجر گُہرام بلوچ تینا بیان ئٹی پارینے کہ سرمچارک میناز بلیدہ ٹی پاکستانی لشکر نا مُسہ گاڈی نا کاروان آ آئی ای ڈی جلہو ئس کریر۔ سرمچارک کاروان نا گُڈیکو گاڈی ئے جلہو ئٹ ٹِک کریر ہراٹی ہفت کارندہ اسُر و غُٹ تا کھسکر۔ جلہو آن پد کوزہ گیر فوج تینا کھئوکا کارندہ غاتا جون تہ ہفِسہ زو ئس تینا کیمپ آ ہنا۔
گہرام بلوچ نا پاننگ اس کہ اسہ پین جلہو ئسیٹ دہ مارچ آ نن ئنا یانزدہ بجہ غا بی ایل ایف نا سرمچارک کلی صالح محمد روڈ وڈھ خضدار ئٹی پولیس نا چوکی ئس پلویڑ کریر و اوڑے ساڑی مُسہ پولیس نا کارندہ آن اوفتا سرکاری سِلاہ تہ ہلکر و بلوچ مننگ نا سوَب آن اوفتہ الّار۔
او پارے کہ بلوچستان نا مُر انگا ہند آتیٹ لیویز و پولیس تھانہ جوڑ کننگ و اوفتیٹ سِلا تخنگ نا مسخت جنگ ئنا وخت آ اوفتہ پاکستانی لشکر نا کمک کن کاریم ئٹی ہتنگ ءِ۔ کوزہ گیر ریاست نوکری نا پِن آ ریفسہ بلوچ ئے بلوچ سرمچار تون مون پہ مون کننگ نا کوشست کننگ ئٹی ءِ۔ نن اسہ وار ولدا میڈیا نا کمک ئٹ تیبہ بلوچستان ئٹی لیویز و پولیس تھانہ غا تیا بلوچ کارندہ آتہ پُہہ کینہ کہ بلوچ سرمچار آتا گھیرہ نا وخت آ جنگ آن تینے بچفر، ہنداٹی اوفتیک و بلوچ راج ئکن شَری ءِ۔
اونا ودیک پاننگ اس کہ بی ایل ایف دا تومکا جلہو تا زمہ ئے ہفک و دا قول ئے کیک کہ بلوچستان نا آجوئی اسکان پاکستانی فوج و نیمہ فوجی ادارہ آتون اوار لُٹ ئہ پُل نا ڈٹ (منصوبہ) تیا جلہوک برجاء مرور۔
