بی ایل اے نا ترجمان جیئند بلوچ تینا شنگ کروک بیان ئسیٹی پارے کہ جعفر ایکسپریس آ کوزہ آن پد برجاء مزاحمت نا وخت 182 لشکری کارندہ دزگیر کرین۔ دا آپریشن ئٹی دائسکان یانزدہ پاکستانی لشکری کارندہ مرگ ئنا گواچی کننگانو و اسہ ڈرون ئس ہم خلنگانے، بی ایل اے نا سرمچارک تا دائسکان جعفر ایکسپریس آ کوزہ برجاء ءِ۔
ترجمان پارے کہ بی ایل اے پھاش پائک کہ قیدی تیٹی پاکستانی لشکر، پولیس، آئی ایس آئی و اے ٹی ایف نا حاضر سروس کارندہ غاک اوار ءُ، ہرا چھٹی تیا ہِننگ اسُر۔ لس شاریک، خاص وڑ ئٹ زالبول، چُنا، ناجوڑ و بلوچ شاری تہ سلامتی ئٹ کسر ترسا آجو کننگانے۔
جارکش پارے کہ اگہ لشکری مداخلت برجاء مس، گُڑا کُل قیدی تہ کھسفون۔ بی ایل اے نا مجید بریگیڈ، ایس ٹی او ایس، فتح اسکواڈ و زراب یونٹ نا جنگول آک دا آپریشن ئے کننگ ءُ و ہر وڑ ئنا لشکری کاروائی نا ورندی تننگ مرو۔
