بلوچستان نا دریابی شار گوادر نا تحصیل پسنی آن پاکستانی لشکر اِرا بندغ دزگیر کرسا بیگواہ کرے۔
شابیتی حوال تا رد ئٹ پسنی آن لیویز کارندہ قیس بیگواہ کننگانے، سادہ پُچ بینوک کارندہ آک اودے اُراغان بیدادی کرسا ہرفینو نادُرستو جاگہ ئسے آ درینو۔
لیویز کارندہ قیس نثار نا لُمہ پارینے کہ اونا چُنا قیس نثار ئے شمبے نا شام سادہ پُچ بینوک بندغ آک اُرا غان زوراکی ئٹ بیگواہ کرینو۔
او پارے کہ کنا چُنا لیویز ملازم ئس ء و ہچ وڑ ئنا بےقانودی کاریم تیٹی تُد اف۔
اوفک کالخواہ تیان خواست کریر کہ قیس نثار ئے آجو کننگہ۔
اسہ پین ورناس کریم بخش ئے ہم شام ئنا بیگواہ کننگانے۔ حوال تروک آتا رد ئٹ ورنائے شام ئنا دزگیر کننگانے۔
یات مرے کہ اندا توو بلوچستان آن دائسکان 58 ئنا کچ بندغ زوراکی ئٹ بیگواہ کننگانو۔
