بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹ پارینے کہ ہشت مارچ ئنا سہب، بولان نا علاقہ بارڈی ٹی آپریشن نا مسخت ئٹ مش تیٹ پیہوک پاکستانی لشکر آ بی ایل ایف نا سرمچارک سنگر ہلِسہ جلہو کریر۔ جلہو ئٹ پیراملیٹری فورس ایف سی نا نائب صوبیدار فلک ناز تون اوار چھار کارندہ مرگ ئنا گواچی و مُسٹ ٹپی مسر۔
او پارے کہ بلوچ مزاحمتی دیہاڑ ئٹ درہ بولان نا اسہ بنجائی حیثیت ئس مسُنے و اینو ہم بولان بلوچ مزاحمت نا اسہ بھلو بنجاہ ئس ءِ ہراڑے مزاحمتی عمل آن ودی مروکا شعور نا روشنائی بلوچستان نا کنڈ کنڈ ئٹ تالان ءِ۔
ترجمان پارے کہ دشمن نا برخلاف دا جلہو ئٹ بلوچستان لبریشن فرنٹ نا سرمچار تہ آزادی پسند تنظیم یونائٹیڈ بلوچ آرمی (یو بی اے) نا سرمچار تا ہم مُخ تفی دوئی اس۔
او ودیک پارے کہ بی ایل ایف سرپند مریک کہ راجی آجوئی نا جنگ بلوچ الس و آجوئی کن جہد کروک تنظیم آتا نیامٹ سیوتی و تعاون دوئی کننگ مننگ کیک۔
بیان نا ایسر ئٹ میجر گہرام بلوچ پارے کہ بی ایل ایف بولان ئٹ دشمن لشکر آ جلہو نا ذمہ واری ئے ہرفک و بلوچستان نا آجوئی اسکان کوزہ گیر ریاست آ ننا جلہوک برجاء مرور۔
