بلوچستان نا ضلع ڈیرہ بگٹی ٹی چنا خننگ وخت آ مروک مرگ آتا لڑ برجاء، اسہ پین لمہ ئس درمان نا آسراتی تا وے مننگ آن چنا تون اوار کھسک۔
اسہ گمان ئسے نا ردئٹ 13 توہ ئٹی چنا خننگ وخت آ درمان تا نیستی آن مرگ آتا کچ 76 مسنے ہرافتیٹ زالبول و پوسکن ودی مروکا چناک اوار ءُ۔
یات مرے ڈیرہ بگٹی ٹی چنا خنوک زالبول آتیکن جانجوڑی آسراتی اف ئنا بریبر ءِ ہرانا سوب آن بندغ آک ایمرجنسی نا دروشم ئٹ پنجاب نا ضلع رحیم یار خان یا ایلو شار تیا ہِننگ آ بیوس مریرہ۔
ڈسٹرکٹ ہیلتھ آفیسر (ڈی ایچ او) ڈیرہ بگٹی تینٹ منّانے کہ ضلع نا سرکاری اسپتال ئٹ اسہ گائنالوجسٹ یا زالبول ڈاکٹر ئس ہم ساڑی اف۔
