بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ ہشت مارچ 2025 ئنا دے بی ایل ایف نا سرمچارک خضدار ئٹی اورناچ شار ئے کیہی ساہت اسکان پلویڑ ئٹی تخار، ہراڑے پولیس و لیویز تھانہ غاتہ کوزہ کرسہ اوفتا سِلاہ تہ دوئی کریر و تومکا تھانہ غاتہ ہشار۔
او پارے کہ سرمچارک پولیس و لیویز نا مسہ گاڈی ہم ہشار۔ دا جلو ئٹی سرمچارک جوانو حکمت عملی ئسے آن کاریم ہلسہ پولیس و لیویز نا کارندہ غاتہ بش مننگ و جنگ کننگ نا ہم وخت تتور۔
او ودیک پارے کہ بلوچ شہید آتا ارمان آزات بلوچستان نا جہد ئتو مخلوق نا است خواہی و کمک آن دا پھاش مریک کہ بلوچ راجی آجوئی نا دا جنگ ئٹی او تینا سرمچار تتون سوگوی ئٹ اوار سلوک ءُ۔
گہرام بلوچ نا پاننگ اس کہ بی ایل ایف اورناچ جلہو ئٹی پولیس و لیویز تھانہ غاتا غُٹ جنگی مڈی تہ دوئی کننگ و ہڑتوما تھانہ غاتا گاڈی تہ ہشنگ نا زمہ واری ئے ارفک، ہندن میڈیا نا کمک ئٹ تیبہ بلوچستان ئٹی تینا راج آن خواست کیک کہ سرمچار تا نیمہ آن مروکا کسر بندی و پلویڑ نا وخت آ تینا و سرمچار آتا رکھ ئکن سرمچار تتون جْوان کمک کبو۔
گُڈی ٹی ترجمان نا پاننگ اس کہ آجوئی اسکا کوزہ گیر ریاست نا فوج و لُٹ و پُل نا ڈٹ بندی تا برخلاف جلہوک برجاء مرور۔
