حوال تا رد ئٹ ضلع کیچ ئنا علاقہ سامی نا ہند گیشکور ئٹی سلاه بند بندغ آک پاکستانی لشکر نا جاجوسی کیمرہ تہ ٹک کرسا تباہ کرینو۔
شابیتی حوال تا رد ئٹ سلاه بند بندغ آک ٹاو آتیا خلوک مسہ جتاو جاجوسی کیمرہ تون اوار ایلو مڈی تہ ہم تباہ کرینو۔
اندن نوشکے ٹی درے نن نادرست آ سلاہ بند بندغ آک کلی آسیابان نا ہند آ موبائل ٹاور ئس تباہ کرینو۔
حوال رسینگانے کہ سلاه بند بندغ آک ٹاور نا تیبہ مشین و مڈی تہ بن تسنو۔
ایلو کنڈ آن آواران ئٹ نادرست آ سلاہ بند بندغ آک کسر جوڑ کروکا کمپنی نا زیہا جلہو کرینو۔
حوال تا رد ئٹ سلاہ بند بندغ آک استو ہشت ہجہ نا وختا آواران نا علاقہ کنیرہ ءِ کنڈگ ئٹ کسر جوڑ کروکا کمپنی نا گاڈی تہ ہشانو۔
دا جلہو تا ذمہ واری ئے دائسکان ہچو تنظیم ئس ہرفتنے۔
