واشنگٹن ڈی سی ٹی وائٹ ہاؤس نا مونا بلوچ زوراکی ئٹ بیگواہ آ بندغ آتا خاوت آتون اواری و بلوچستان ئٹی زوراکی ئٹ بیگواہی و بیدس عدالت آن خلنگ نا پالیسی تہ برخلاف پاکستانی پالیسی نا برخلاف آ برانز کننگا ۔
برانز ئٹی بلوچ ، پشتون ، ہزارہ ، سندھی ، پنجابی باسک و زالبول آک اوار مَسُر ۔
برانزیک بائیڈن انتظامیہ آ زور تِسُر کہ او پاکستان ئٹی بلوچ نسل کُشی پالیسی ئے ختم کننگ کن لشکری کُمک ئے بند کے ۔ امریکی حکومت براہ راست دا نسل کُشی ٹی اوار ءِ۔
برانزی تہ دوٹی زوراکی ئٹ بیگواہ آ بلوچ سیاسی باسک آتا عکس آک تُد اَسُر ہرافتا آجوئی نا خواست کننگا ۔
اوفک پاریر کہ پاکستان بلوچ زالبول و چُناتا برخلاف طاقت کارمرز کننگءِ۔
