بلوچستان نا ضلع قلات نا جتا جہہ تیا چھاپہ خلِسہ درو پاکستانی لشکر 35 بندغ بیگواہ کریسس ہرافتا آجوئی کن خاہوت آک و بلوچ یکجہتی کمیٹی قلات ہنکین نا باسک آک کسر تہ بند کرسا برانز کننگ ءُ۔
ایلو کنڈ آن 35 آن 8 بندغ ئے پاکستانی لشکر پولیس نا حوالہ کرسا پھاش کرینے و پھاش کننگوک ہشت ورنا پولیس تھانہ ٹی ساڑی ءُ۔
برانزی تا پاننگ ءِ کہ بیگواہ کننگوک غٹ بندغ آتہ پھاش کننگِہ ہرافتِہ چھاپہ آتا وخت بیگواہ کننگانے۔
اوفتا پاننگ ءِ کہ ایسکان غٹ بیگواہ کننگوک بندغ آک، ہرافتہ درو چھاپہ آتا وخت بیگواہ کننگانے، آجو کننگتنو ننا برانز برجاء مرو۔
