پاکستانی لشکر نا دو آن زوراکی نا بیگواہی تا لڑ برجاء، اسہ پین بندغ ئس سنھ آن بیگواہ۔
حوال تا رد ئٹ مچھ بولان نا جہی داود ساتکزئی ولد محمد خیر ساتکزئی, ہرا بنیادی ڈگاری نا جہی ئس ءِ و ڈرائیور ئس ءِ، 3 مارچ آ زوراکی ئٹ بیگواہ کننگانے۔
خاہوت نا رد ئٹ داود ساتکزئی کوئلہ لوڈ کرسا تینا گاڑی ٹی پنجاب آ ہِننگ اسک کہ سہب ئنا 6 بجہ نا وختا جیک آباد آن اونا شناختی کارڈ ئے ہرِسہ اودے زوراکی ئٹ بیگواہ کننگا۔
حوال تروکا تا رد ئٹ داود ساتکزئی ئے بیگواه کروک بندغ آک سادہ پن بینوک پولیس کارندہ مسنو۔
پدان خاہوت و ٹرانسپورٹ مالک آک جیک آباد ئٹی ذمہ وار پولیس تھانہ او خڑک ئنا تھانہ غا تیٹ اودے پٹار ولے اونا ہچو ڈس ئہ نشان رسینگتو۔
خاہوت خواست کرینے کہ داود ساتکزئی ئے پھاش کننگہ۔ خاہوت پارے کہ نن تینا بندغ نا زند ئنا بابت ئٹ خلیس نا گواچی اُن۔
