خاران : 16 مارچ 2022 آ سی ٹی ڈی نا دُو آن زوراکی ئٹ بیگواہ مروک آ ورنا شاہ فہد نا ایڑ ناہیدہ محمود ویڈیو سیٹی تینا ایلم نا آجوئی نا خواست ئے کرے ۔
او پارے کہ شاہ فہد ئے سی ٹی ڈی 16 مارچ 2022 آ اُراغان زوراکی ئٹ بیگواہ کرے ۔ ننے ہندا پاننگ مرے کہ نن انصاف کن ارانگ کان ۔ دا ڈیہہ بلوچ آتے کن اسہ اذیت تروک ءُ جاگہ ئسے بلوچستان ئٹی ننا توار دافتے سر مفک، نن وخت ئس اسلام آباد آ کانا ننے اذیت تننگ مریک ۔ نن وخت ئس جہانی ادارہ تے آن خواست کینہ گُڑان غدار پاننگ مرینا ۔
ناہیدہ محمود سرکار آن خواست کرے کہ خدا کن زوراکی تے بند کننگ مرے و ننا زوراکی ئٹ بیگواہ آ ایلم تے زوت آجو کیر ۔
