بلوچ یکجہتی کمیٹی نا بنجائی سروک سمی دین بلوچ چاگڑدی حوالکاری میڈیا غا پوسٹ ئس کرسا پارے کہ حب ئٹی دزگیر مروک سنگت آتا بارو ئٹ حوال رسینگانے کہ اوفتہ حب صدر تھانہ (بیروٹ) ئٹ بند کننگابے۔ واہم نہ بیرہ ننا سنگت آتہ بلکہ وکیل ئے ہم اوفتتون اوڑدئی نا موکل تننگ افس و تیبہ تھانہ سیل کننگانے۔
او پارے کہ ہراتم ننا وکیل قانونی حق ئنا رد ئٹ اوڑدئی نا خواست کرے تو ایس ایچ او گل حسن پھاش پارے کہ، “داڑے کنا مرضی چلیک، و کنا موکل آن بیدس تھانه نا دروازہ غاک نم کن ملنگوفس۔”
اونا ودیک پاننگ اس کہ ہمو بندغ آک ہرا قانود نا پاسداری نا حلف ہرفرہ، اینو تینٹ قانود ئے تینا نت تا شیفا لتاڑنگ ءُ و افسوس نا ہیت دادے کہ اوفتہ توننگ و ورندی ہلوک کس اف بلکہ حکومت نا پارہ غان حکم رسینگنگ ءِ کہ برانزی تیا پین کریک ڈاؤن کرسا برانز ئے ایسر کننگہ۔
