کوئٹہ نا علاقہ پشتون آباد ئٹی گیس لیک مننگ نا سوب آن تراک، 2 بندغ بیران و 5 ٹپی مسنو۔
پولیس نا رد ئٹ تراک نن ئنا 3 بجہ نا وختا ہموتم مس ہراتم گیس لوڈشیڈنگ نا سوب آن گیس ئنا پریشل بحال مس۔
جون تہ دمدستی سول اسپتال کوئٹہ غا رادہ کننگا، ہراڑے ٹپی مروکا تہ جانجوڑی کمک تننگ بناء کننگا۔
پولیس نا پاننگ ءِ کہ ٹپی مروکا تیٹ چنا ہم ارے۔ المی قانودی کاروائی آن گڈ جون تہ وارث آتا حوالہ کننگا۔
تدینی آن پد علاقہ ٹی خلیس تالان ءِ، و کمکی دھر ہند آ سر مرسا کمکی آپریشن ئے سر تس۔
خیال ئٹ مرے کہ کوئٹہ تون اوار تیبہ بلوچستان نا یخ انگا علاقہ غا تیٹ ہر سال چھلہ ٹی گیس ئنا تدینی نا سوب آن کیہی بندغ آک کھئیرہ۔
