بی آر سی تربت نا خوانندہ غاک میڈیا غا شنگ كروک تینا اسہ بیان ئسیٹی پارینو کہ بی آر سی تربت ئے تینا خرابی تا ازالہ کننگ نا گرج ءِ، 14 دسمبر 2024 آ پرنسپل ولی محمد لہری ننے تربت ئٹ ایف سی کیمپ آ درے و خوانندہ غاتہ زور ئٹ نعرہ خلنگ نا پارے، ہرادے ریکارڈ کرسا ایلو دے میڈیا غا شنگ کننگا۔
او پاریر کہ داڑان پد ننا خاہوت آک ننا سلامتی کن فریشان مرسا ننتو رابطہ کریر۔
دا پرنسپل ئے دا شار ئنا حالیت آن پہہ نا گرج ءِ ہراڑے او دا وختا رہینگنگ ئٹی ءِ۔ ہرکس چائک کہ دیر ئے ٹک کننگ مننگ ءِ، و دا وڑ ئنا حالیت ئٹ نن ہڑتما کنڈ آن مخ تفی نا درشانی کننگ کپنہ۔ انتئے کہ ہڑتما کنڈ آن ننے نسخان رسینگنگ کیک۔
خوانندہ غاک پاریر کہ دا اقتباس ہمو چھٹی نا بشخ ئس ءِ ہرادے نن سیکرٹری کن کھان ہراٹی ولی محمد لہڑی نا بدلی نا خواست کننگاسس ولے ننے دانا ہچو ورندی رسینگتو۔
