شال ئٹی زوراکی نا بیگواہی تا برخلاف تولوک برانز ئٹی ساڑی بیگواہ ابرار کمبرانی نا ایڑ مدیحہ کمبرانی پارینے کہ کنا ایلم ئے ہودہ جنوری نا نن ریاستی ادارہ غاک ننا مون آن زوراکی ئٹ دریر بیگواہ کریر۔ اینو یک و نیم تُو مننگ ئٹی ءِ ولے ننے اونا ہچّو حوال رسینگتنے۔
اونا پاننگ اس کہ کنا ایلم ابرار کمبرانی نہ ڈوہ ئس کرینے نہ کس ئس کھسفینے و نئے قانود نا برخلاف کاریم ئس کرینے۔ او اسہ بے ڈوہو بندغ ئس ءِ ہرا ناحق ہفنگانے۔ اوڑتون اوار ننا سیال جواد، بلال و علی اصغر ئے ہم زور ئٹ بیگواہ کننگانے۔
مدیحہ کمبرانی نا پاننگ ءِ کہ ننا خواست ہندادے کہ ابرار کمبرانی و ننا غٹ بندغ آتہ زوت یلہ کننگِہ۔ ننے پاننگ مرے کہ ننا ڈوہ انت ءِ؟ اگہ اوفتا دوبہ ئس ارے تو عدالت آ ہتنگر، نہ کہ دہن اُرا تان بیگواہ کننگر۔ نن انصاف خواہنہ و تینا ایلم تا زوت آجوئی نا خواست کینہ۔
