بلوچ لبریشن آرمی نا جارکش جیئند بلوچ درشان ئسے ٹی پارے کہ کیچ ئنا ہَند پاکستانی لشکر نا قافلہ غا اسہ لاری سے آئی ای ڈی تراک ئٹ ٹک کرین اراٹی مسہ دشمن کارندہ کھسک ۔
سرمچار آک دشت ہوت چات نا ہند آ دشمن لشکر نا قافلہ ءِ ہمو وخت ٹک کریر ، اراوخت اوفک لشکر کشی آن پد واپس تینا کیمپ آ ہِننگ اسُر ، تراک ئنا زد ئٹی برِسہ اسہ لاری سے ٹی سوار مسہ کارندہ ہمو جاگہ غا کھسک وخت ئسکہ لاری تباہ مس ۔
بلوچ لبریشن آرمی دا جلہو نا زمہ واری ءِ ہرفک و وادہ کیک بلوچستان نا آجوئی اسکان ننا جلہوک برجاء مرور ۔
