‘بلوچستان یونین آف جرنلسٹس’ و ‘کوئٹہ پریس کلب’ پولیس نا ارش کننگ و استاد آتہ دزگیر کننگ نا تدینی ئے شیف خلکر و کوالخواہ تیان کاروائی نا خواست کریر۔
بلوچستان یونین آف جرنلسٹس و کوئٹہ پریس کلب، کوئٹہ پولیس نا کنڈ آن پریس کلب نا تہٹی پیہسہ ‘ایس بی کے’ نا استاد آتا دزگیری نا سخت مذمت ئے کرسا پاریر کہ دا درشانی نا آجوئی آ جلہو ئس ءِ۔
کوئٹہ پریس کلب و بلوچستان یونین آف جرنلسٹس تینا اوڑدئی بیان ئٹ خواست کرے کہ تدینی ٹی ہرا افسر تا دو ارے اوفتہ دمدستی معطل کرسا پٹ و پول کننگ مرے و ذمہ وار تہ سزا تننگ مرے۔
صحافیک تینا بیان ئٹ دا گھام ئے ناقابلِ برداشت و افسوسناک پاریر و ودیک پاریر کہ دیہاڑ ئٹ دا نا ہچ مثیل دو بفک، ضلعی انتظامیہ آن پد داسا پولیس ہم صحافی تا آجوئی آ پابندی خلنگ نا کوشست کننگ ءِ ہرا سگ آن پیشن ءِ۔
صحافیک برانز نا حق ئے کارمرز کننگ کن خبڑدار کریر کہ اگہ ذمہ وار تا برخلاف کارروائی متو تو نن سخت برانز کرون ہرا نا تیبہ ذمہ واری صوبائی حکومت و پولیس نا مرو۔
