بلوچ رہشون نا برخلاف کیس نوشتہ کروک آ ایس ایچ او معطل کننگا ۔
سندھ ئنا زالبول حوالکار و دی رائز نیوز نا بھلا ایڈیٹر وینگاس سندھ پولیس نا افسر نا معطلی نا حوال ئے پک کرسا پارے کہ ہنوکا دے تیٹ سندھ ئنا ہند خیرپور ئٹی ماہرنگ بلوچ آ ایف آئی آر نوشتہ کروکا پولیس افسر معطل کننگا ۔
وینگاس نا رد ئٹ پولیس افسر نا معطلی نا حوال ہموخت مون آ بس ہراوخت بلوچ رہشون نا برخلاف کیس نوشتہ کروکا سندھ پولیس ئے سندھی ورناک و سیاسی حلقہ آ تا نیمہ آن سخت تنقید کننگا۔
حوالکار نا رد ئٹ پولیس معطلی نا تینا درشان ئٹ رد و بدل کرینے ، واہم اصل سوب ڈاکٹر ماہرنگ بلوچ نا برخلاف نوشتہ کروک آ ایف آئی آر چائنگ مریک ۔
یاتی مرے کہ ہنوکا دے بندغ آ تے ریاست و لشکر نا برخلاف کننگ نا دوبہ ئٹ اسلام آباد ئٹی برانز نا بھلُنی کروک آ بلوچ یکجہتی کمیٹی نا رہشون ڈاکٹر ماہرنگ بلوچ نا برخلاف سندھ ئنا شہر خیر پور تھانہ وڈا ماچھیوں آ سب انسپیکٹر نا مدعیت ئٹی مقدمہ نوشتہ کننگاسس۔
تدینی آن پد سندھ اتون اوار تیوعہ جہان آن سیاسی و بندغی حق آتا باسم آک دا عمل ئے شیف خلسا بھاز تنقید نا گواچی کننگا۔
