بلوچستان ئٹی بنجائی دگ آتیا دفعہ 144 خلنگانے، وزیراعلٰی بلوچستان نا پارہ غان امن و ایمنی نا حالیت آ مجلس اڈ تننگا۔
ترجمان بلوچستان حکومت شاہد رند نا رد ئٹ وزیراعلیٰ ئے یک جنوری آن دائسکان 76 وار کسر تا بندی نا حوال تننگا۔
او پارے کہ بلوچستان ئٹی کسر تیا دفعہ 144 خلنگانے و وزیراعلیٰ ضلعی انتظامیہ ئے نن ئنا 9 بجہ اسکان غٹ کسر تہ ملنگ نا پنت تسنے۔
شاہد رند پارے کہ وزیراعلیٰ نا حکم آ عمل کننگ متو تو ضلعی افسر آتا برخلاف کارروائی کننگو، برانز کننگ الس ئنا حق ءِ ولے بنجائی دگ آتہ بند کننگ نا موکل کس ئے اف۔
خیال ئٹ مرے کہ دا وختا بلوچستان نا کیہی ہند آتیا زوراکی نا بیگواہی تا برخلاف خاہوت آتا برانز برجاء ءِ، خاہوت آتا پاننگ ءِ کہ اوفتا بندغ آتا آجوئی اسکان برانز آک برجاء مرور داکان مُست کیہی وار برانز آتیا حکومت تاغت کارمرز کرینے۔
