کوئٹہ ٹی نادُرست آ بندغ آک پاکستانی لشکر نا گاڑی ئے بمب جلہو ئٹی ٹک کرینو اندن تربت ئٹ پاکستانی لشکر نا چوکی آ جلہو کننگانے۔
بلوچستان نا بنجائی شار کوئٹہ ئٹ پاکستانی لشکر نا لاری ئے جان محمد کسر آ ٹک کننگانے۔
حوال تا رد ئٹ لاری ٹی اسہ کارندہ ئس خلنگانے و منٹ ئس ٹپی مسنو واہم دائسکان دا رد ئٹ کالخواہ تا ہچو درشان مونا بتنے۔
اندن ضلع کیچ ئنا بنجائی شار تربت نا ہند میری ٹی سلاہ بند بندغ آک پاکستانی لشکر نا چوکی آ جلہو کرینو۔
حوال تروکا تا رد ئٹ جلہو نا وخت ہُرے اسکان تراک و سُمکاری تا توار بننگ مسنے۔
اندن گمان ءِ کہ جلہو ئٹی پاکستانی لشکر ئے جانی و مالی نسخان رسینگانے۔
تومکا جلہو تا زمہ واری ئے دائسکان ہچو تنظیم ئس ہرفتنے۔
