بلوچستان نا دریابی شار گوادر ئٹی بلوچ نیاڑی تا کوسٹ گارڈ ہیڈکوارٹر نا مونا برانز برجاء، ایم پی اے گوادر آ سخت نغدکاری، روزگار ئے بند کننگ نا برخلاف ڈکھ و خار ئنا درشانی کننگا۔
سید ہاشمی ایونیو آ پاکستان کوسٹ گارڈ ہیڈکوارٹر کیمپ ئنا مونا نیاڑیک تولوک برانز کننگ ءُ۔
برانزی تا رد ئٹ پاکستان کوسٹ گارڈ نا کارندہ غاک اوفتا گاڈی تہ تیل تون اوار کوزہ کرینو۔
برانز ئٹ تد اسہ نیاڑی ئسے نا پاننگ ءِ کہ کوسٹ گارڈ ننا روزگار ئے بند کرینے، نن امر کین اَرانگ کان، دا کوسٹ گارڈ وبال جان جوڑ مسنے۔ داڑے کاروبار تیل تون تفوک ءِ و ادارہ غاک دادے بند کرسا بلوچ الس ئے اسہ وخت ئنا ورغ نا آہری کرینو۔
