پاکستانی لشکر نا دو آن زوراکی ئٹ بیگواہ کننگوک ورنا حسرت نا خاہوت اونا آجوئی کن برانز کرسا کسر ئے بند کرینے۔
پن کروک بندغ ئے چھار دے مست گوادر نا علاقہ جمیڑی نا خلق پاوان آن بیگواہ کننگاسس۔
خاہوت نا پارہ غان برانز پانوان ئٹ برجاء ءِ و بیگواہ کننگوک حسرت نا خاہوت نا پاننگ ءِ کہ حسرت برکت ئے پاکستانی لشکر چھار دے مست زوراکی ئٹ بیگواہ کرے و دائسکان اونا ہچ ڈس اف۔
اوفتا پاننگ ءِ کہ نن نزور و مسکینو بندغ ان ننے پین ہچ آسرہ اف و حسرت ننا ارا نا اسٹ آ کھٹیا کروک و ننا خاہوت ئے ولفوکا بندغ ءِ۔
خاہوت پارے کہ ایسکان حسرت آجو کننگتنے ننا برانز اندا وڑ برجاء مرو۔
