بلوچ یکجہتی کمیٹی نا کنڈ آن بلوچستان ئٹی برجاء زنک ایسری نا تدینی تیٹ ودکی نا برخلاف نوشکی، دالبندین و گومازی ٹی برانز اڈ تننگا۔
برانز آتیٹ بھلو کچ ئسیٹی بی وائے سی نا باسک آک و لس مخلوق اوار مسر و بلوچ زنک ایسری نا برخلاف نعرہ خلکر۔ دا وختا برانز آتیٹ زوراکی ئٹ بیگواہ کننگوک بندغ آتا خاہوت آک ہم اوار مسر و تینا بندغ آتا آجوئی نا خواست کریر۔
خیال ئٹ مریر کیچ و بلوچستان نا ایلو علاقہ غا تیٹ ڈیتھ اسکواڈ نا دو آن بلوچ ورنا تا برجاء ٹارگٹ کلنگ نا برخلاف بلوچ یکجہتی کمیٹی برانزی ریلی تا پڑو کریسس ہرا نا رد ئٹ گومازی تمپ، دالبندین، و نوشکی ٹی برانزی ریلی کشنگا۔
