بلوچستان نا ضلع آواران نا تحصیل مشکے آن اِرا بندغ پاکستانی لشکر نا دو آن زوراکی ئٹ بیگواہ کننگانو۔
بیگواہ کننگوک بندغ آک عظیم نا مار کریم جان و الم خان نا مار نور اللہ نا پن ئٹ درست مسنو۔
پن کروک بندغ آتان کریم جان ئے استو لاکھی چوکی آ خواہفنگاسس ہراکان اودے پاکستانی لشکر بیگواہ کرینے۔
اندن نور اللہ ئے ننکان اونا اراغا چھاپہ خلسہ بیگواہ کننگانے۔
ہڑتما بندغ آتا خاہوت آک اوفتا سرسلامت آجوئی کن سیاسی، چاگڑدی، و میڈیا نا باسک آتیان توار بڑز کننگ نا خواست کرینو۔
