بلوچستان نا علاقہ بارکھان آن رسینگوکا حوال تا رد ئٹ چھار بندغ پاکستانی لشکر نا دو آن زورانسری بیگواہ کننگانو۔
بیگواہ کننگوک بندغ آتا چاہنداری حاجی رمضان نا مار غلام فرید، سردار خان نا مار خلاد، سردار خان و حاجی نظام الدین نا مار غلام رسول نا پِن ئٹ مسُنے۔
جہی حوال تا رد ئٹ پن کروک بندغ آتہ پاکستانی لشکر بارکھان آن 20 فروری نا نن زوراکی ئٹ بیگواہ کرینے۔
خاہوت اوفتا سرسلامت آجوئی نا خواست کرینے۔
بلوچستان ئٹی ودوکا زوراکی نا بیگواہی تیا سْیاسی و بندغی حق آتا تنظیم آک فریشانی نا درشانی کننگ ءُ۔
