درو پاکستانی لشکر نا مخ تف سلاہ بند ٹولی ڈیتھ اسکواڈ تون جنگ ئسیٹی شہید مروک بلوچ راجی سرمچار سخی بخش نا جون گلزمین نا میار کننگا و شہید بالاچ نا جون ئے خاہوت دوئی کرسا گریشہ غا درے۔
حوال تروک آتا رد ئٹ آوارن آہوری نا جہی علی بخش نا مار شہید سخی بخش ئے سئے بجہ غا گلزمین نا میار کننگانے۔
اونا گڈی دیدار کن ہیب ئہ کھیب ئنا بندغ آک بھلو کچ ئسیٹی بسر و شہید ئے دروت ندر کریر و اونا جون ئے دلیری نا نعرہ غا تتون گڈی ہند کریر۔
شہید سخی بخش تون اوار شہید مروکا سنگت بالاچ گریشہ پوگی نا جہی ئس ء ہرا نا جون ئے اونا خاہوت دوئی مرسا گریشہ غا درینے۔
تومکا سرمچار تا شہیدی نا بارو ئٹ دائسکان ہچو آجوئی خواہوک تنظیم ئس بیان شنگ کتنے
