ہرنائی نا تحصیل شاہرگ ئٹی کولا کانڑ مزور ئسے نا زیہا مِش ڈھرنگ نا سوب آن، مزور ہمو جہہ آ ساہ تس۔
لیویز نا رد ئٹ کولا کانڑ ئٹی مِش ڈھرنک نا سوب آن لعل بادشاہ پنیئو مزور ئس کھڈ مرسا بیران مسنے۔
کمکی دھر (ریسکیو ٹیم) جون ئے روتل ہیلتھ سینٹر شاہرگ آ مون تس، ہراڑے المی کاروائی آن گڈ جون ئے خاہوت نا دوٹی تننگا۔
بیران مروکا خیبرپختونخواہ نا عیلاقہ اپر دیر ئنا جہی ئس اسک۔
یات مرے کہ بلوچستان ئٹی کولا کان تیٹی مزور تا رکھ ئنا آسراتی مفرنگ نا سوب آن کیہی مزورک اندا وڑ تدینی تا گواچی مریرہ۔
