بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارینے کہ سرمچار ٹا اسنائپر دُھر بیست فروری نا دے دوانزدہ بجہ غا جھاوُ ٹی پاکستانی لشکر نا کیمپ آن پیشن کارندہ غا تیا جُلہو کرسہ اسہ فوجی کارندہ ئس خلکر و پدا سرمچارک پوسکنا سِلاہ تیٹ فوجی کیمپ آ جُلو کریر ہراٹی کیہی کارندہ ٹھپی مسر۔
اسہ پین جلہو ئسیٹ سرمچارک درو یانزدہ بجہ نا وختا خاران بازار نا بنجائی چوک آ ایجنسی تا کارندہ رسول بخش ببار ولد عبداللہ ئے سُمکاری کرسہ کھسفیر۔ بی ایل ایف نا سنگتاک تدوکا کیہی تُو آن اندا کارندہ نا ہِن ئہ بر ئے ہننگ اسر، ہرا خاران بازار ئٹی چم ئٹ ٹھوپ بہا کریکہ۔
گہرام بلوچ ایسر ئٹ پارے کہ بی ایل ایف کوزہ گیر پاکستانی لشکر نا کارندہ و ایجنسی تا کارندہ غا تیا جلہو نا زمہ واری ئے منّک و دا قول ئے کیک کہ بلوچستان نا آجوئی اسکا کوزہ گیر لشکر آ جلہو کرسا کرون۔
