گوادر آن پاکستانی لشکر نا ڈکھوک ادارہ آتا کارندہ آک ورناس ئے دزگیر کرسا بیگواہ کرینو و شال آن ہم ورناس بیگواہءِ۔
حوالکار نا رد ئٹ بیگواہ مروک آ ورنا نا پجار بالاچ ولد عبدالروف نا پن ئٹ مسُنے ہرا گوادر پکیر کالونی نا ہندی سے۔ بالاچ ئے پاکستانی لشکر نا اڈ کروک آ ڈکھکوک ادارہ آتا کارندہ آک استو دوازدہ آ ہمو وخت آ بیگواہ کریر کہ او بازار آن اُراغہ ہننگ اسک۔
حوالکار نا رد ئٹ شال آن بیگواہ مروک آ ورنا نا پجار عمران ولد سوالی کیچ ئنا ہند ہوشاپ تل ئنا ہندی ئٹ مسُنے۔عمران 03 جنوری آ بیگواہ مسُنے و انگہ اونا ہچو حوال ئس اف۔
عمران نا ایلم اونا بیگواہی نا کیس ئے شال بروری کسر نا پولیس اسٹیشن آ یاداشت کریفینے۔ اونا نمبرئے ٹریس کرینو آخری جاگہ ئے شال کینٹ ئنا خُڑک آ نشان تسُنے، ہندُن گمان مننگءِ کہ عمران ئے پاکستانی لشکر دزگیر کرسا بیگواہ کرینے۔
