بلوچستان ئٹی زوراکی نا بیگواہی تا لڑ برجاء، کوئٹہ و تربت آن پین اِرا بندغ زوراکی ئٹ بیگواہ کننگانو۔
ضلع کوہلو آن تعلقداری تخوک ورنا ذوالفقار علی مری ژنگ ئے کوئٹہ ٹی جان محمد روڈ آ اونا ہاسٹل آن سلاہ بند بندغ آک زوراکی ئٹ بیگواہ کرینو۔
حوال تا رد ئٹ سادہ پُچ بینوک پاکستانی ڈھکوک ادارہ غا تا کارندہ غاک 19 و 20 فروری نا نیامیکو نن 4:30 بجہ غا اودے زوراکی ئٹ بیگواہ کرینو۔
ایلو کنڈ آن تربت آن حوال رسینگانے کہ ڈھنک نومان کلینک آن ڈاکٹر زرین پنیئو بندغ ئسے اِرا گاڑی ٹی سوار سلاہ بند بندغ آک بیگواہ کرسا تینتو درینو۔
